La biblioteca anarquista más grande d’Uviéu

Nel llocal de la CNT d’Uviéu pues atopar una amplia biblioteca de llibre accesu. Nun ye necesariu tener nenguna vinculación con CNT pa poder faer usu d’ella.
L’únicu requisitu pa poder aportar al material de la biblioteca ye’l de faer un usu racional y respetuoso de la mesma. Esto ye,  na midida de lo posible, cumplir los plazos de devolución y que tol material estrayíu sía tratáu con respetu, devolviéndolu nel mesmu estáu en que s’atopaba cuando se realizó’l préstamu.
Biblio_internete2L’oxetivu d’esta biblioteca ye poner a disposición un material bibliográfico qué quiciabes sía malo d’atopar n’otres biblioteques. Nun tien, poro, nengún enfotu propagandísticu, adoctrinador nin proselitista.
Pa facer usu de la biblioteca’l primer pasu ye rexistrate, cubriendo la fueya destinada con esi envís na que tendrás d’apuntar el to nome, apellíos y teléfonu de contactu. Una vegada fecho esto yá pues empezar a sacar materiales, pa lo cual ye necesariu siguir un senciellu protocolu.
El númberu d’obres que pueden sacase por persona y vegada ye de tres. El plazu del préstamu ye de 21 díes, pudiendo prorrogase en casu de necesidá por otres trés selmanes, colo que’l plazu total algamaría los 42 díes.
Dáu’l calter abiertu y autoxestionáu d’esta biblioteca estimense toes aquelles suxerencies que puedan suponer una meyora nel funcionamientu de la mesma, asina que, si crees que puedes apurrir dalguna idea qu’ayude al meyor funcionamientu d’esti proyectu, non te cortes y cúntamosla.
Toles aportaciones van ser teníes en cuenta y puestes en práctica na midida de les nueses posibilidaes y siempres qu’ufierten dalguna novedá o meyora reseñable.
Puedes consultar el catálogu disponible ordenáu por temes y por autor/a y tamién puedes consultar dalgunes reseñes de los llibros disponibles en:
oviedo.cnt.es/biblioteca

This entry was posted in Cultura, Proyectos. Bookmark the permalink.