Europa verguenza de la humanidá

L’alcuerdu ente la Unión Europea y Turquía viola los drechos humanos de les persones migrantes y refuxaes que fuxen de la guerra siria

Tamos fartos de tanto alarmismo social, de tantes gilipolleces patriótiques comu: “que-y dean trabayu a los d’equí”, de tanto espectáculu mediáticu con reporteros fotografiando la desesperación, la rabia y l’impotencia en primer planu o de ver repitida una y otra vez l’imaxe del neñu afogáu na vera, nun podíamos pasar per alto el éxodu siriu.
Un conflictu armáu nun ye otra cosa que la posibilidá de sacar tayada -sía del tipu que sía- pa toos aquellos gobiernos imperialistes que pola so situación nel panorama políticu-económicu internacional puen esguilar posiciones, asina atopamos nel terrén de xuegu a USA, Turquía y Rusia principalmente. Digamos qu’ante la rebelión civil, USA vio una magnífica oportunidá pa liquidar el réxime de Al-Assad y empezó a subvencionar la rebelión de los insurxentes, esto ye, vienta directa d’armes y envíu de mercenarios. Los grupúsculos de Al-Qaeda en Siria son la principal ferramienta de los USA, pero estes foles de yihadistes fuéronse estrellando una y otra vez contra´l exércitu siriu, quien de la mesma, tamién pasa’l ataque y bombardea a toes manos la xeografía siria, más allá d’onde se sabe allúguense los combatientes yihadistes. Pa esclariar la situación podríamos dicir que USA entrenó a los sos propios enemigos y agora, ta claro, éstos nun-y van siguir el xuegu. Pasaron de siguir les directrices de USA y empeñáronse en crear y dir avanzando na construcción del Estáu Islámicu. Ante esto USA nun tuvo más remediu que collaborar coles milicies de protección popular Kurdes pa facer frente común ante’l yihadismo.

compaerashumanidadweb2
El papel de Turquía ye bien distintu. Empezó ensin ganes de moyase enforma nesti conflictu y de toos ye sabíu’l so collaboracionismu col Estáu Islámicu y l’opresión sistemática empobinada contra la población Kurda. Sicasí, al executivu islamista “moderáu” de Turquía nun-y quedó más remediu que xunise a la coalición antiyihadista dempués de qu’un atentáu matara a 32 persones, nel mes de xunetu, na localidá turca de Suruç y de que, tres díes más tarde, posiciones del Estáu Islámicu abrieren fueu contra un puestu militar fronterizu ente Turquía y Siria. Ágora llimpia-y la mierda a Europa y a cambiu de perres fadrá de barrera de contención ante los refuxaos.
D’últimes, Vladimir Putin bombardeado posiciones del exércitu islámicu. Siria tien una posición geopolítica estupenda na que Rusia proxecta´l so poder sobre’l Mediterráneu y entiende que si la población ta fuxendo de Siria nun ye poles condiciones qu’imponía’l corruptu y autoritariu gobiernu de Al-Assad, sinón pol mor del Exércitu Islámicu. Putin entró nel xuegu con una amplia sorrisa, yá que va usar la crisis de los refuxaos pa empezar a sacar a Moscú del aislamientu que-y teníen impuestu pol conflictu ucranianu.
A la mayoría nun nos cuesta identificar la guerra como causante de muertes en masa, desplazamientos forzaos, tortures, fame o violaciones. Pero tamién supon un negociu tremendamente rentable pa les minoríes dirixentes carentes d’escrupulos.
Los conflictos armaos casi siempres se producen por motivos económicos y geopolíticos. So eufemismos como “misión de paz” o “ayuda humanitaria” camúflense operaciones que tienen por oxetivu’l control militar de zones estratéxiques pal espoliu de recursos naturales y materies primes comu’l petróleu, el gas o dellos minerales.
La población más humilde sufre les peores consecuencies: infraestructures y llares destruyíos, vides y families estrozaes y, nel meyor de los casos, la fuxida desesperada a otru llugar pa tratar de sobrevivir empezando de cero.
Pasando les peores penuries na so tierra d’orixe, atopanse con  una nueva xirigonza física y llegal: les fronteres.
Les fronteres nun esistieron dende siempres, nin apaecieron por arte de barrabiellu. Los estaos más poderosos sofitanse a base de masacres y saqueos. Nun duldan en reprimir, encarcelar o inclusive asesinar a quien intenten saltales, sacante si traen un bon faxu de billetes per delantre.
Los discursos patrióticos intenten que sintamos simpatía escontra quien nos roben y apatayen n’esti o aquel país, mientres refugamos de los nuesos iguales nel restu del mundu.
Gustaríanos llamar l’atención sobre los repulsivos sentimientos xenófobos y racistes qu’amosaron gobiernos, partíos políticos, grupos ya individuos filofascistas. Basta con un pocu d’empatía. Nun ye tiempu de refuga, sinón de apoyu mutuu ente tolos miembros de la clase trabayaora, vengan d’onde vengan. Les  y los obreros nun tenemos nin color nin patria, namá la fuerzia de la solidaridá.

This entry was posted in Antimilitarismo, Internacional. Bookmark the permalink.