RESEÑAS CULTURA

[Musica] Foguera. Skontra.
skontraCuartu discu de una de les bandes más prestoses d’Asturies. Totalmente autoproducíu por ellos dexando claro que la autoxestión son fechos y non pallabres. Los que va quince años andamos al tantu de tolo que faen tabemos ya ansiosos de garrar esti nuevu trabayu y retorceye la oreya al radiocasé pa escúchalo al volumen que se meréz. L.lueñe quea ya “Semeya de la rabia” el primer discu del añu 2005 nel que con cancios como “sigo en pie”conquistaronos pa siempre.
Nesti nuevu trabayu, con una presentación muy cuidá, dexennos 11 trallazos de punkrock, con raigaños na música tradicional asturiana, que meten mieu. Arrimao a la cai y a los sos problemas, lletres comprometies y reivindicatives munches d’elles n’Asturiano. Pa remátalo to una versión acústica de foguera el tema que y da nome al discu y una versión de una versión que The Potes facien de los RIP, “Condenado” y qu’inevitablemente trainos a la testera el recuerdu de Yul Bolinaga guitarra de los RIP que morrio esti añu d’atrás enriba’l escenariu mientres tocaba esi mismu canciu. Si nun ties perres pa compralu pues descargalu en la so paxina web skontra.net. Si les ties, compralu. Nun seyas rata, ¡echayos un gabitu!
[Cómic] La Balada del Norte. Tomu 1.
Historietista y ilustrador: Alfonso Zapico. Astiberri. Ediciones. Colección Sillón Orejero. 226 páxines. Bilbao, 2015.
baladanorte-imagendestacadaEsta hestoria arrinca na navidá de 1933 con unu de los protagonistes, Tristán, dexándolo tou n’orde p’abandonar Madrid y volver p’Asturies.
Ellí espéralu so padre, el marqués de Montecorvo, un aristócrata que consigue sotener la so fortuna nos convulsos años 30 a fuerzia de partir les sos inversiones, pero calteniendo en primer llugar la so Compañía Minera del Noroeste. Tristán y so padre tiene una relación distante, tantu no sentimental como no político, y dende la so llegada busca la manera de sofitar a los as obreros/as, llegando a confraternizar más de lo debío con dalguna. Nestes llega la Revolución d’Ochobre de 1934 y Tristán va vese obligáu a escoyer ente lo que-y dicta el so corazón, protexer a la so familia, y lo que-y dicta la razón, lluchar polo cabal.
Coles mesmes Apolonio, capataz na compañía minera, agüeya ca día les inxusticies que soceden nel so llugar de trabayu: inseguridá, insalubridad y abusos. Respetáu y queríu polos vecinos/as, va ser tentáu a participar del procesu revolucionariu y va tener que decidir si la so llealtá ye col so xefe o col proletariáu. Hestories absorbentes narraes en tiempos difíciles, onde los acontecimientos políticos conformen el telón de fondu tres la interacción ente una gran variedá de personaxes curiaos al detalle que te dexa deseyando fondamente la llegada de la segunda parte pa pescudar qué va deparar la revolución tantu a los personaxes como a La Hestoria.

This entry was posted in Cultura, Reseñas and tagged , . Bookmark the permalink.