Hypericum perforatum Té pericon

Les causes de la depresión son múltiples y variaes, a naide escápanos que munches son de calter social. Vivir alienados, encadenaos al salariu o ensin recursos económicos, en pisos que paecen truébanos, ciudaes contaminaes, so la bota de l’autoridá, ensin posibilidaes de desenvolvenos como persones… provoca non solo depresiones sinón otres munches enfermedaes. Como primer remediu siempres va tar la rebeldía, la desobediencia, la subversión que son realmente reconfortantes pa los espíritos acoraxaos. Güei vamos falar tamién del hipérico como alternativa a les drogues sintétiques que receta la medicina oficial.
Hypericum perforatumLa palabra “hipérico” vien del griegu hyperikon, que significa percima d’una apaición, pos según éstos les sos propiedaes taben percima de too lo imaxinable.
La presencia de la hipericina y hiperforina otorga propiedaes antidepresives nos casos de depresión leve y moderada, ansiedá o trestornos emocionales acomuñaos a la menopausia y el síndrome premenstrual. Resulta afecha pal tratamientu de la depresión de seronda o depresión estacional. Esta sustanza actúa nel organismu de manera similar a como lo faen les drogues de síntesis ensin presentar los inconvenientes de les mesmes.
El so usu enllargáu (ente unos 4 y 6 meses) constitúi un tónicu reparador del sistema nerviosu. A diferencia d’otros sedativos, nun tien efectos negativos por acumuladura de toxines en la sangre, sobremanera pal fégadu (Una cuyaradina de polvu de flores machucaes 2 vegaes al día o 5-10 gotes de tintura pela nueche).
Esta planta atropó l’atención d’ensame de científicos y médicos, hasta tal puntu qu’en Francia o Alemaña’l consumu de hipérico ye bien importante.
¿Cómo ye?
Pue midir hasta 1 metro. Tien flores marielles d’hasta 2 cm. xeneralmente con llurdios nos pétalos. Tamién esisten variedaes rastreres. Al exprimir les flores con fuerza segrega un zumu acoloratao que tiñe la piel de un color violáceo.
¿Ónde atopala?
En cantos de caminos, en terrenes de baxa y mediu altura.
¿Cuándo les recoyemos?
El so periodu de floriamientu ye dende mayu hasta agostu, anque la mayor concentración de componentes producir a mediaos de Xunu, por eso esiste la tradición de recoyer la planta na madrugada de San Xuan.
Convien recoyelas con tiempu soleyeru. Empléguense les sumidades floríes, qu’entienden tol ramillete floral cola parte alta del tarmu. Pue utilizase fresca (pa realizar oleo, tintura, untaza) o pue secase pa floritos.
Secar a la solombra rápido, en ramilletes colgaos, nun convien dexala a una temperatura cimero a los 35º C. La planta tien de caltener en tou momentu el so color orixinal.
¿Cómo preparala?
Fierve nun cazo l’equivalente a una taza d’agua, cuando l’agua te en ebullición, añede les cuyaradines de hipérico. Dexa ferviendo 5 minutos. Pasáu esti tiempu, apaga’l fueu, tapa y dexa en reposu otros 3 minutos.
Precuros
Nun tien de ser utilizáu simultáneamente con otros fármacos antidepresivos y tranquilizantes de farmacia.

This entry was posted in Cultura, Medicina and tagged , . Bookmark the permalink.