P-¿Cómo y d’onde surde Acción Aquelarre y qu’oxetivos tien?
R-Acción Aquelarre surdió por un grupu de muyeres de la cuenca que reparamos que nesta zona les asociaciones feministes llevaben unes llínees burgueses y lliberales y vimonos na obligación de crear un espaciu femisnista radical. El nuesu oxetivu ye dar visibilidá a toles formes de machismu dende un puntu de vista combativu, realizando acciones a pie de cai y defendiendo la autoorganización de les muyeres.
P-¿Qué entendeis por feminismu radical?
R-Pos como bien diz la pallabra, un feminismu que trata de dir al raigañu del problema intentando derrumbar un sistema d’opresión que ve a la muyer como simple mercancía, como nel casu de los vientres d’alquiler, la
prostitución, etc.
Nun queremos llindar la llucha namás a la ampliación de drechos y a la busca del castigu per parte de l’Estáu,
queremos lluchar polos drechos de la muyer reconstruyendo llazos colos demás sectores oprimíos y esplotaos de la clase trabayadora, ensin escaecenos nunca de denunciar cualquier tipu de terrorismu machista.
P-¿Que vos paez l’alderique que ta tan de moda sobro la prostitución y les muyeres que “escueyen llibremente” serprostitutes?
R-Somos abolicionistes. ¿Por qué falamos de si les muyeres tenemos drechu a prostituyinos cuando la cuestión ye si los homes tienen drechu o non a consumir prostitución? ¿Eso ye una sociedá igualitaria? Creyemos que nun se merca sexu, mércase sumisión. Como diz Sonia Sánchez, l’Estáu ye’l primer proxeneta, el primeru que viola los tos derechos. Creemos que les muyeres que defenden esti tipu de prostitución son víctimes del capitalismu.
P-Yá sabemos que sois abolicionistes de la prostitución y de los vientres d’alquiler. Amás de esto,¿creeis n’otru tipu d’abolición?
R-Sí. Creemos na abolición del xéneru ya que les normes de masculinidad y feminidad tal que les conocemos
producen violencia. Dende la infancia aprendemos roles nos quela diferenciación sexual ta marcada. El xéneru ye un constructo social, condiciónanos nel nuesu día a día y pelo tanto proponemos abolilo.
P-Respeutu al terrorismu machista, la mayoría de grupos feministes tienen un discursu que s’amenorga a pidir al Estáu un aumentu de les condenes y otres acciones punitives que castiguen pero nun previenen. ¿Qué planteamientu teneis al respeutu de esto?
R-¡¡Esto ye la guerra!! Vivimos nun Estáu represor, machista y patriarcal, día a día el sistema xudicial demostralo, por eso la única solución ye la autodefensa. Nun podemos dexar que sía la victima la que sía cuestionada.
Considérase más importante’l terrorismu islamista qu’en 2017 nel Estáu español cobróse la vida y 16 persones, que’l machista que llegó a 98 muyeres al cual l’Estáu nun ye pon nin nome, llegando inclusu a amenorgar les cifres quitar importancia a esta lacra.
El machismu nun se discute: ¡¡Fráyase!!
¿Qu’actividaes fixistis hasta agora y que teneis pensáu al curtiu plazu?
Entamamos participando nuna concentración de sofitu a Juana Rivas, na que fuimos cuestionaes dende grupos de feminismu burgués por llevar la protesta un pasu más allá.
El pasáu 16 d’avientu fiximos unes xornaes feministes en Xixón de les que salimos bien satisfeches.
El próximu 20 de xineru va realizase un pasucais en La Felguera pa dar entamu a reivindicaciones mensuales
contra’l terrorismu machista per distintes zones de la Cuenca del Nalón.
Tenemos pensaes más actividaes o xornaes con distintos colectivos y centros sociales, amás d’empezar a axuntanos con otres muyeres pa crear llazos de sororidad y tratar de comentar y analizar la violencies a les que somos sometíes tolos díes pol fechu de ser muyeres.