Los frutos y les flores de xabú son comestibles. Los primeres puen preparase en zusmios, mermelaes, mueyos, sopes, xarabes, vinos, llicores, etc.
El xabú ye unu de los meyores sudoríficos. Emplégase davezu en forma de fervinchu para tratar resfriaos, gripes, enfriamientos, catarros de víes respiratories cimeres y tamién puede tomase como mélica preventiva d’estes afecciones. Pue combinase con menta, ocalitu y equinácea, ensin efectos secundarios.
Ye escelente para baxar la fiebre, y aselar les conxestiones de les víes respiratories. Tamién pal tratamientu del dolor de gargüelu. La so corteza tien propiedaes diurétiques. Val pa tratar llixeros trestornos nerviosos, causantes de velea, migrañas o dolores de cabeza. Tamién n’inflamaciones dolioses como reuma, artritis o gota; pos ye llixeramente analxésicu. El so frutu frescu y maduru pue usase en tisanes endelgazadores. Comu bon laxante, ye eficaz contra l’estriñimientu. Usase pa combatir les enfermedaes hepátiques porque ye un depurador del sangre, provocando efectos beneficiosos pa problemes de la piel como eccemes y dermatitis. Tamién s’usa en compreses para hematomes, contusiones y torciones. D’antiguo cuelganse cañes de sabugu naquellos llugares onde esistíen animales, col enfotu de espulsar a mosques y otros insectos volátiles. Les fueyes quemaes empleganse como insecticida y el fervinchu echase sobre les plantes, pa protexeles de pulgones y guxanos.