Resistencia y cócteles molotov: Arde México, arde Francia

Cayen les mazcares de los distintos gobiernos que tomen parte descaradamente pol capital na guerra social global na que tamos somorguiaos. N’España, sol y bon tiempu.

13450173_281164092233570_8561554369713237391_nMÉXICO

La manifestación del 20 de xunu de los maestros del Estáu mexicanu de Oaxaca tuvo un final sangrientu: ocho muertos, ventidos desapaecios y 45 mancaos de bala. Ente los finaos había civiles, un periodista que cubría les protestes y un númberu indetermináu de docentes. La Coordinadora Nacional de Trabayadores de la Educación, agrupación a la que pertenecíen los manifestantes anunció que, llueñe de detener les movilizaciones, estes van a endurecese tres los episodios de represión. Los maestros manifestavanse contra’l gobiernu d’Enrique Peña Nieto polos problemes derivaos de la reforma educativa. Nestes protestes, los maestros cortaron l’autopista Oaxaca-México onde se producieron los fechos.

FRANCIA

El movimientu escontra la Reforma Llaboral, la llamada llei «El Komrhi», empecipió’n Francia va trés meses. Durante tou esti tiempu multiplicáronse les acciones en tolos sectores: güelgues indefiníes, bloqueos de refineríes de petróleu… La postrera d’elles produciose’l 14 de xunu, un millón de persones desfilaron poles principales arteries de la ciudá pa recorda-y a Manuel Valls y a Hollande que les movilizaciones van siguir hasta que se retire’l testu. Ante la persistencia de los bloqueos, la patronal llamó a toles empreses que se vean afectaes por estos a presentar una denuncia, y destacó qu’en plenu sieglu XXI non pueden aceptase acciones “que torguen a los emplegaos movese y añeden lleña al fueu”. ¿Qué midíes plantega la reforma llaboral en Francia? 1- 35 hores: la supresión de facto de la llende de 35 hores de trabayu selmanales según los despidos por razones económiques. 2- Despidos: Van Poder producise por razones económiques como descensu de pidíos, deterioru de cifra de negocios, cambeos tecnolóxicos o reorganización. 3- Indemnización: l’amenorgamientu de les indemnizaciones pa despidir a trabayadores con más de 20 años d’antigüedá y la supresión de los díes de baxa por fallecimientu d’un ser cercanu (padres, fíos y pareya), ente otres. 4- Hores extras: Ye posible’l pagu per debaxo del alcuerdu salarial si la empresa y comité sindical lo aceptan. Van poder pautase baxaes salariales. Los sindicatos minoritarios van poer convocar referendos nes empreses contra alcuerdos de los mayoritarios. No que va que duren les protestes, la xente foi violentamente reprimío pola policía en ca oportunidá. Decenes de manifestaciones lleváronse a cabu nos últimos dos meses pa refugar al proyectu de llei. Dende l’entamu del movimientu, unes dos mil persones foron deteníes y casi mil atopanse’n detención provisional.

This entry was posted in Internacional. Bookmark the permalink.