Por un CSA en ca pueblu

fotoAbre La Xusticia na Felguera. Heredando nome, llocal y raigaños llibertarios abrese esti centru social autoxestionáu. Un espaciu abiertu al pueblu, un llocal comuñal construyíu por vecines y vecinos que quieren apostar por una manera de vida más xustu y solidariu, menos consumista ya individualista. La Xusticia quier ser un espaciu d’alcuentru y d’aprendizaxe, y un ñeal de nuevos proyectos. Por eso nel llocal tienen cabida tou tipu de propuestes dedicaes a conocenos ente les persones, a aprender de manera crítica ente toos y toes, a entretenenos, a formanos, a remontanos o a construyir colectivamente. Porque un pueblu xuníu siempres ye más que munchos individuos aisllaos. inauguracionlaxusticia
En La Xusticia echaranse a andar ente otres coses, una biblioteca, una llibrería, un puntu d’alcuentru onde tomar daqué o char una partida na ludoteca, un espaciu infantil, un grupu de monte, asesoría llaboral a cargu CNT y un grupu de consumu. Tamién tou tipu d’actividaes -charres, proyecciones, teatru, música-. Pero lo meyor ye que te averes a conocelos. Porque más allá de los deseos, la realidá del proyectu conformalu les persones, tantu les que trabayaron por abrir l’espaciu como tú, si te decides a averate, a lo que te animamos.
El local ta allugáu na cai Valentín Ochoa  na Felguera.  Comu pues ver tienen un prestosu programa d’actividades d’inauguración.

This entry was posted in Proyectos. Bookmark the permalink.