El fiscal del TSJA denuncia a la UGT por corrupción nel usu de dineru de subvenciones públiques

Nun salen d’una pa metese n’otra. Dempués del Villamocho -secretu a voces- caén agora colos cursillos de formación. ¿Daquién nun lo sabía?. La UGT nun ye un sindicatu, ye una mafia. Una casta de chupones y enchufaos que al calor del PSOE lleven cuarenta años mangando y mangoneando lo que quieren. Que se pue esperar. ¿A daquién ye pasa pola cabeza que tan pa defender los drechos de los trabayaores?.

Tan pa fartucase, pa llévalo calentuco pa casa y yá ye hora de decilo bien alto. Y nun val dicir que son los cuadros, que por baxo hai xente honrao… La culpa ye de los que los caltienen, la culpa ye de los que siguen afilaos, la culpa ye de los que los voten. La culpa ye, por exemplu, de los mineros que yos dan 48 de los 62 delegaos nas últimes elecciones n’HUNOSA. Y eso a los pocos díes de cayer “il padrino”. Yá ta bien de mirar pa otru llau; hai que dicilo bien claro: sois un cáncer pa la clase trabayaora y p’Asturies. Sois los que soterrastis la cuenca minera al gritu de “antes muertu que ver un pozu cerrau”. Sois los culpables del desastre de los fondos mineros, de los timos de les subvenciones, de les empreses pesllaes a los cinco años d’abrir, de tolos pufos que percuerren Asturies dende’l Montepio a Alas Aluminium, Venturo XXI o Diasa.
Y nun tienen abondo, pa enrriba tienen la cara de denunciar a trés periodistes de la revista Atlantica XXII por dicir lo mesmo que güei diz el fiscal. El “señor” Eduardo Donaire solicita 30.000€ en conceutu de lesiones al honor. ¿Lesiones? Lo único qu’hai que llamentar ye que nun fora siempre comu’l 1º mayo de Fidalgo.
Tos lo sabemos: si nun afilio nun subo, o échenme o ya yera asi cuando llegue o …
Si te queda un res d’arguyu y dignidá, si to güelu lluchó y morrió pa que temos onde tamos, si quies mirar a la cara a los tos fios y sentite orgullosu de lo que ficiste por ellos, de lo que ficiste pa camudar el mundu, ye hora de que ruempas el carné de CCOO o’l de la UXT porque ensin ti nun son naide. Yá nun valen escusas. Tien tanta culpa’l que mata comu’l que tien pola pata.