Carbón puerco

El carbón ye una enerxía a extinguir, ye evidente. Pero entantu y non, si hai que quemalo, que sea de lo nueso. 

Yel carbón un combustible fosil qu’a pesar de to sigue teniendo un pesu importante na producción de la ellectricida que consumimos. Ensin entrar a ver si yera necesariu potenciar unos recursos o amenorgar otros la realidá ye qu’a día de güei cuando nun sopla l’aire hai que tirar d’uraniu, gas o de carbón. Nesti añu la mitá de la enerxía consumío salió d’estes tres fontes y en concretu el 16% del carbón. Tos sabemos los problemes que da la enerxía nuclear y lo que supón atropar magalla que van tardar millones d’años en dexar de ser radioactivo. El gas comu’l petróleu sal de los países en conflictu como Llibia, Arxelia… y el preciu al que mos sal trai incluiu la tasa en sangre que paguen los pueblos que viven enriba los xacimientos. Pero, ¿el carbón de onde sal? Pos hasta va bien pocu salía de LLeón y de les nueses cuenques mineres, pero agora dicennos que nun ye rentable. Sal meyor tráelo d’en ca dios. Y ca dios nesti casu ye Colombia, Rusia, Suráfrica…

nino-minero-coah
Y a daquién ye estraña qu’esi carbón salga más baratu. Nel casu de Colombia son perconocies les atrocidaes cometies poles empreses mineres de la mano de los paramilitares. Asesinando, violando y moviendo los pueblos orixinarios pa estrozar tolo que pisen comu’l caballu d’Atila. Matando sindicalistes, esplotando neños, ensin nengún tipu de respetu nin polos drechos de los trabayaores nin pol mediu ambiente. De Rusia más de lo mesmo, nun reximen policial onde a la mínima siegente el gañote, onde el salariu mínimu ye la mitá qu’el d’equi, a quien ye estraña que’l carbón te barato. Y Sudafrica… nun va muncho mos llegaben notícies de les grandes huelgues de mineros, terminaes munches en masacres. Como la de Lonmin onde va un par d’años morrieron treintaycuatro güelguistes. Treintaicuatro muertos y doscientos cincuenta mancáos de bala por pidir meyores salariales.
El carbón ye una enerxía a extinguir, ye evidente. Pero si’l nuesu carbón ye puercu y emborrina, muncho más puercu yel Carbón que traen de fora les empreses comu Goldman Sachs y Glencore que amás del anhídridu carbónico traen consigo la vergüenza y el sangre, l’avaricia del capitalismu, la esplotación de los trabayaores y del mediu ambiente. Y ye que la huella ecolóxica nun hai que medila namás polu que pasa nel “primer” mundu.
Cada vez que s’entorna un camión de carbón na carretera alcuerdate d’onde vien, si hai que quemalo que sea de lo nueso.

This entry was posted in Enerxia, Lluches. Bookmark the permalink.