Tardó pero llegó l’iviernu. Otru añu más lleguen les oles de fríu ya quieran nomalu polar, siberianu, islandés o cabraliegu, y tol mundiu frotase les manes: los probes pa calentase, los dueños de les ellétriques pa forrase…
Estes empreses, que durante tol añu esmérense en envenenamos xoromitando mierda poles chimenees de les sos térmiques y faciendo d’Asturies una de les rexones d’Europa onde más pelligrosu resulta respirar -tres de les cinco empreses más contaminantes d’Asturies son EDP, Unión Fenosa e Iberdrola-, nun se corten a la hora d’aprovechase de les oles de fríu pa subir les factures de la lluz y sacar unos milloninos de más, al tiempu que ensín dengún escrúpulu corten el suministru en milenta llares, ensin importayos lo que pase cola xente que los habita. Tolos iviernos hay muertos a causa de estos cortes, ya seya pol fríu o por incendios provocaos al buscar calentase. Demientres, nos periódicos, nos tellediarios, etc ofrecenmos “trucos” pa nun pasar fríu ensín calefacción, como aisllar les ventanes con cinta aisllante (verídicu) conseyu col que nos delleitaba La Nueva España.
Y nos? Nos dedicámonos a pagar y callar o como muncho a indignanos poles redes asociales, compartiendo noticies milenta veces compartíes, desfogando la rabia, o, nel casu de los más radicales e incontrollaos, faciendo chistes o memes.
Siguimos viéndomos indefensos ante’l capitalismu y llimitamonos a llorar u patalear dellantre d’una pantalla, y lo que ye peor, siguimos viendo los cortes de suministru ellétricu como problemes individuales, inclusu cuando mos toca a nos mesmos, cuando ye una espresiónás de la llucha de clases, ye la cnsecuencia d’un sistema que tresformamos en mercancíes que usar pal so beneficiu, mercancíes que
cuando ya nun faen falta tírense.
Esti ye otru problema más que tenemos los que nun tenemos ná, y debemos asumilu como un problema colleutivu, d’una clase escontra otra. De los ricos escontra los trabayadores.
Nun val ya más lloriqueu, hay que elexir, resignamos y desfogar como podamos demientres morremos de fríu y respiramos venenu, o organizamos pa dai calor a esti iviernu fríu nel que ta conviertiendoseles nueses vides, señalando a eses empreses, yendo a reclamayos lo que ye nueso y faciendo de cada corte de suministru o de cualquier tipu de abusu, un conflictu colleutivu,y de cada conflictu colleutivu un problema d’orden públicu.

Vamos a callentar l’iviernu
Vamos a allumar la oscuridá