El periódicu Asturies ye un mediu llibertariu que tien como oxetivos esparder les práctiques y teoríes anarquistes, así como ufiertar información y analís de la realidá con una óptica llibertaria y anticapitalista.

Como mediu de contrainformación trata de combatir la propaganda burguesa y como mediu contra toa autoridá nun se va dar la palabra a instituciones nin organizaciones rellacionaes col estáu o’l capital sinón a los movimientos y organizaciones sociales y a los protagonistes de les lluches obreres.

Esti mediu llibertariu tien dos partes fundamentales: la web de noticies y el periódicu impresu. Na primera publíquense noticies del ámbitu llibertariu, obreru, social y contestatario de la rexón y nel segundu ufiértense análisis más fondos de la realidá que nos tocó vivir y los esfuerzos de distintes persones y colectivos por camudala. El periódicu ye trimestral y de baldre.

A estes partes del periódicu hai qu’añader les collaboraciones d’otros medios que trabayen con nosotres, como Arradio Fuina y que tienen los mesmos principios qu’el Asturies.

El periódicu Asturies ta formáu por un grupu de persones pertenecientes al mundu de la llucha llibertaria. Con una organización horizontal el mediu funciona de manera asamblearia y autogestionada. Por ello, tolos ingresos que recibe’l periódicu vienen de los esfuerzos individuales de les sos integrantes y de les aportaciones d’otres persones que quieren sofitar la prensa llibertaria.

Pa sofitar el periódicu pueden facese aportaciones al siguiente númberu de cuenta:

ES49 2048 0003 6130 0116 5230

Esti periódicu tamién aboga pola defensa de la cultura de los pueblos y les sos llingües, sobremanera del Asturianu y los sos falantes asina como la cultura popular del pueblu asturianu.

CONTAUTU:

asturiesanarquista@riseup.net

Instagram: periodicu_asturies

Facebook: Asturies