Apenes usada yá en fitoterapia magar
la so enorme tradición sanadora.
Tien de recoyese la mañana de
San Xuan. Güei considerá maleza,
rucio, n’otru tiempu la tradición
celta considerabenla sagrada. Los
vieyos feciales romanos, una especie
de garantes del drechu internacional,
llevaben verbena como
símbolu de paz nes sos negociaciones.
Considerabase panacea y
nes fiestes de branu teníase como
costume regalar verbena, d’ende
vien lo de les verbenes como sinónimu
de folixa. Anguaño sábese
de la so capacidá pa descongestionar
la zona nasal en forma de cataplasmes.
Y sábese del so poder
pa xenerar más llechi nes muyeres
que dan pechu. Tamién s’usa
como reconstituyente pa persones
convalecientes. Virtudes toes
elles escases comparaes cola so
enorme tradición máxica sanadora
ancestral. Creemos que si tantes
cultures antigües la veneraben tien
de tener un potencial médicu que
convendría redescubrir.